ليه تدخل آداب قسم جغرافيا !!؟

كوكب الجغرافيا فبراير 13, 2020 فبراير 13, 2020
للقراءة
كلمة
0 تعليق
-A A +A

ليه تدخل آداب قسم جغرافيا !!؟ 

مميزات قسم الجغرافيا

خلصت ثانوية عامة والتنسيق جالك كلية الآداب .. بتفكر كتير تختار قسم أيه ، وايه اللي بيميز قسم عن التاني .. 
في المقال دا هنتكلم عن قسم الجغرافيا ... ليه تفكر تدخل قسم الجغرافيا ؟ وايه مميزاته؟

الطالب اللي بيفكر صح مبيدورش على شهادة وخلاص ، وانه يكون حاصل على ليسانس آداب وبتقدير عالي كمان وبعد كدا يدور على اي شغل أو وظيفة وبنسبة كبيرة جدا هتكون بعيدة عن مجال تخصصه ..

التشتت بين اقسام كلية الآداب 

الطالب اللي بيلتحق بكلية آداب قدامه اختيارات متعددة وأقسام كتيرة ممكن يوصل عددها لأكتر من ١٨ قسم في بعض الجامعات .. والطالب اللي مش محدد هدفه بيبدأ يفكر ويسأل كتير جدا وهو بيختار .. أدخل قسم أيه ؟؟
السؤال دا بيسأله كل طالب دخل كلية آداب .. ويبدأ التشتت بين الأقسام كلها ، ودا في حالة اذا كان تقدير الطالب بيسمحله أنه يدخل أكتر من قسم أو الشروط منطبقة عليه .

اختيارك للقسم المناسب هيتبني عليه حاجات كتير جدا ، حضورك والتزامك ومذاكرتك وكمان مستقبلك ، متحاولش تختار القسم علشان رغبة حد تاني ، أو لمجرد رأي طالب أكبر منك . اختار القسم اللي بيحقق رغبتك ومتأكد انك هتكون كويس في المجال دا .

ليه قسم الجغرافيا ؟؟؟


قسم الجغرافيا من أفضل الأقسام في كلية آداب على الإطلاق ودا راجع لعدة اسباب هنوضحها في المقال : 
١. القسم من أكتر الأقسام اللي بتجمع بين الدراسة النظرية والدراسة العملية ودا بيكون من خلال المواد العملية زي المساحة والخرائط ونظم المعلومات والدراسات الميدانية لمناطق مختلفة .
٢. القسم بيوفر تدريبات صيفية في العديد من الجهات والمؤسسات والشركات مثال ، المقاولون العرب ، اوراسكم ، جابكو ، حسن علام ، هيئة المساحة، الجهاز المركزي للتعبئة العامة والإحصاء، الملاحة الجوية .
٣. مجالات العمل لخريج القسم متعددة مقارنة بأقسام اخرى : منها العمل في مجال التدريس، العمل في مجال المساحة، العمل في مجال نظم المعلومات الجغرافية، العمل في مجالات تصميم الخرائط .
٤. ادارات كتير وجهات بتطلب خريج قسم الجغرافيا ومنها بعض الجهات اللي ذكرناها في الأعلى .
٥. القسم بيشجع على التعاون وتشكيل فرق العمل في الدراسات الميدانية والرحلات العلمية .
٦. مجالات الدراسات العليا في القسم متعددة مثل الجغرافيا الطبيعية زي المناخ والتربة والجيولوجيا والتضاريس وغيرها، والجغرافيا البشرية زي السكان والعمران والجغرافيا السياسية والجغرافيا الاقتصادية زي النقل والتجارة والسياحة والصناعة والزراعة والجغرافيا الطبية وجغرافية الخدمات ، وتقدر تختار من بين كل التخصصات .

دا كان المقال بتاعنا للإجابة عن سؤال .. ليه أدخل قسم الجغرافيا ؟

شاركنا برأيك في التعليقات 

شارك المقال لتنفع به غيرك

إرسال تعليق

0 تعليقات

3832018391793669111
https://www.merefa2000.com/