خطوات حصول الطالب على حسابه الشخصي بمنصة جامعة القاهرة Blackboard

 خطوات حصول الطالب على حسابه الشخصي بمنصة جامعة القاهرة Blackboard

شرح بالصور لطلاب جامعة القاهرة للتسجيل في البلاك بورد

سنوضح في هذا الموضوع خطوات حصول طلاب جامعة القاهرة على حساب شخصي على منصة جامعة القاهرة اللكترونية ، البلاك بورد ليتمكن الطالب من الدخول إلى المنصة والحصول على المواد التعليمية الخاصة بالمقررات ،وحضور المحاضرات أونلاين .. فقط تابع الشرح للنهاية ..

أولا: أطلع على التعليمات حول كيفية الحصول على حساب Blackboard في الملف التالي

ملف التعليمات

 

ثانيا: استخدم الرابط التالي لطلب الحساب

http://eservices.cu.edu.eg/

 

ثالثا: عند دخول بنجاح علي منصة blackboard  يمكنك الاطلاع علي الملف التالي لكيفية التسجيل في المقررات

https://cu.blackboard.com/bbcswebdav/institution/Course-Self-Enrollment.pdf

 

شرح الخطوات بشكل مبسط : 

الشرح هيكون من خلال خطوات بسيطة الطالب هيعملها بالاضافة إلى ادخال البيانات بشكل سليم ليتم مراجعة طلبك ثم الموافقة على الطلب في أسرع وقت 

*بخصوص التسجيل في المنصة الالكترونية للطلاب...

1/هتدخل علي اللينك دا .... 

https://eservices.cu.edu.eg/

هتظهر معاااك صفحة هتختار منهاا

(خدمة True Me للحصول علي حسابك لمنصة Black Board)....(صورة رقم 1)

هتضغط على الشكل الذي يشبه الواي فاي وهو البلاك بورد

2/هتضغط عليها هتظهر معاك صورة رقم (2) هتضغط علي تقديم... مهم جدا جدا ، او هتختار تسجيل طالب جديد لو ظهرت معاك الصورة كالتالي 

3/هتظهر معاااك صورة رقم(3) هتختاار منهااا تسجيل طالب جديد كما هو موضح بالصورة التالية 

4/بعد م هتضغط هتظهر معااك صورة رقم(4) هتبدا تسجيل كل بياناتك

الاسم رباعي... الرقم القومي(للمصرين) رقم الباسبور ( للوافدين) .... الجنسية ( علي حسب انت اي)... والعنوان كما هو بالرقم القومي 

والنوع(ذكر ولا انثي) والبريد الالكتروني...(يفضل يكون الايميل الخاص ب الجامعة أو ايميل جي ميل سليم gmail  بس لازم يكون شغاال وعارف الباسورد بتاعوا عشان مهم وهيتبعتلك عليه بياناتك)

وبعدين هتكتب رقم فونك(واوعي تكتب رقم مش شغال) ويفضل استخدام رقم المحمول المستخدم في التسجيل في الكلية وانهاء الأوراق 

وبعدين هتعمل لنفسك باسورد يكون سهل ومتنسهش عشان مهم...وبعدين هتكتبوا تاني للتااكيد... وبعدين هتضغط (تسجيل Submit ) .. شاهد الصورة 

5/هتظهر معاااك صورة رقم (5) هتكتب الرقم القومي بتاعتك والباسورد اللي انت لسه عاملة في رقم (4) وهتضغط تسجيل ...

6/هتظهر معاااك صورة (6) هتضغط علي (خدمة True Me للحصول علي حسابك لمنصة Black Board)

7/هتظهر معاااك صورة(7) هيكون اسمك رباعي موجود...

هتكتب انت بقا اسمك رباعي انجلش وبعدين هتكتب اسم الطالب بس انجلش وبعدين لقب العائلة بس انجلش (الاسم الرابع في اسمك) 

الرقم القومي هيكون موجود والنوع بردو موجود والبريد بردو موجود والفون بردو موجود...

هتختار انت الكلية اللي انت فيهاا... كود الطالب هيكون موجود وهتختار انت فرقة كام (اولي /تانية /تالتة /رابعة) الفرقة اللي هتكون فيها في العام الجامعة 2020/2021 

هتختار نوع الدراسة (ساعات معتمدة)

طبيعة الدراسة انت (انتساب ولا انتظام ) وبعدين هتصور البطاقة وتعملها PDF(

وترفعها علي اللينك... وبعدين هتعمل علامة (صح) علي اقرر انني جميع بياناتي صحيحة...الي اخرة وبعدين هتضغط تسجيل...

8/هتظهر معاااك صورة رقم (8) وبكدا بيتم مراجعة بيانات

وهتخليك فاااكر الباسورد بتاعك عشان خلال يومين هتكون البيانات اتراجعت وعشان تعرف اتقبلت ولا لا هتدخل تااني علي اللينك اللي في(رقم 1) وهتحط رقم القومي والباسورد اللي عملتوا هتفتح معااك الصفحة وهتعرف البيانات اتقبلت ولا لا.... وبعد مراجعة البيانات هيظهرلك اسم المستخدم والكود اللي هيكونوا بداية التسجيل ف المرحلة التانية...#انتظر...

وهذا في حالة الموافقة .

وهذا في حالة الرفض مع السماح بتعديل بياناتك مرة اخرى وعلى الطالب تحري الدقة في هذه المحاولة لادخال البيانات بشكل صحيح 

(لو التسجيل متقبلش هيبقي ليك فرصة تعدل بيانات لو فيها بيانات خاطئة ..

بالتوفيق للجميع 

شارك الموضوع لتعم الفائدة