ليسانس المساحة ونظم المعلومات الجغرافية والاستشعار عن بعد - جامعة القاهرة ، مميزاته وطرق التقديم

السلام عليكم متابعينا الأفاضل ، بعد ظهور نتيجة الثانوية العامة وبدأ مرحلة التنسيق للجامعات ، يتسائل البعض عن برامج الساعات المعتمدة بكلية الآداب - جامعة القاهرة ..

اليوم نستعرض مع حضراتكم برنامج المساحة ونظم المعلومات الجغرافية والاستشعار عن بعد بكلية الآداب - جامعة القاهرة ..

الى طلاب الثانوية العامة علمى(علوم-رياضة) وادبي. كنت عاوز  تبقى مهندس او تدخل كلية معينة والمجموع خانك،،،متزعلش الفرصة لسة قدامك انك تبقى اخصائي مساحة ونظم معلومات جغرافية.

عندك فكرة عن ليسانس المساحة ونظم المعلومات الجغرافية والاستشعار عن بُعد،،،🤔🤔

 ده ليسانس جديد اتفتح من سنتين فى كلية الاداب جامعة القاهرة، قسم الجغرافيا💪💪،،،بتتخرج منه اخصائي مساحة ونظم معلومات جغرافية واستشعار عن بعد،،،يعنى بيكون عندك امكانية للعمل فى المجالات الثلاثة،،يعنى بتتخرج عندك مستوى احترافى فى العمل على اجهزة المساحة والتدريب فى المواقع،،،وعندك القدرة على التعامل مع برامج ال GIS, و ال RS وبتبقى متخصص كمان فى اخراج خرائط القرارات 

@الليسانس ده مش شعبة او قسم تقليدي لكن ده ليسانس بيخرج متخصصين فى تخصصات مطلوبة حاليا فى سوق العمل داخل مصر وخارجها. 🧐

 طيب تقدم عندنا ازاي،،،،لازم التنسيق يوزعك على اي كلية اداب سواء فى جامعة القاهرة او اي جامعة اخرى ( انتظام او انتساب) يعنى لما تيجي تسجل الرغبات سجل كل كليات الاداب المتاحة لك فى الاول،،،لما يتم ترشيحك على اي كلية اداب تجيب او تجيبي خطاب الترشيح وتيجي مكتب برامج الساعات المعتمدة بكلية الاداب جامعة القاهرة،، واتبع باقى الاجراءات،،،،مش هتحتاج تعمل تحويل لو جالك اداب غير اداب القاهرة علشان تقليل الاغتراب والكلام ده لان مكتب الساعات المعتمدة عندنا هو اللى بيقوم بكل اجراءات التحويل...

 نسيت اقولك ان الدكاترة والمعيدين عندنا على اعلى مستوى ،،طبعا انت عارف جامعة القاهرة  تصنف  ضمن افضل ٥٠٠ جامعة فى العالم واتخرج منها علماء وادباء وشخصيات متميزة فى كل المجالات. 

الدراسة تتم  فى مجموعات صغيرة لتحقيق اعلى درجات جودة التعليم

 عملى المساحة يتم على رفع مباني جامعة القاهرة،،،،وسكاشن نظم المعلومات الجغرافية والاستشعار عن بعد تتم فى معامل مجهزة

@ اسحب ابليكاشن من مكتب الساعات المعتمدة ويتم التسجيل بعد اجتياز المقابلة الشخصية 

@ نسيت اقول لك حاجة مهمة ، شرطين مهمين لقبولك بالبرنامج انك تكون بتذاكر وجاد وعلى خلق ...

 لو عندك  اي استفسارات اخرى اارسل رسالة على الواتس او اتصل على 01014315567 يوميا من 5 الى 7  مساء... ارجو الالتزام بهذه المواعيد

، المصروفات ١٧٦٠٠ج تسدد على قسطين ،قسط كل تيرم.واهم مجالات العمل شركات المقاولات والطرق والوزارات وهيئات المساحة المدنية والعسكرية  واجهزة جمع المعلومات وشركات نظم المعلومات الجغرافيةوالاستشعار عن بعد والملاحة الجوية والبحرية والمكاتب الاستشارية ومراكز الابحاث وغيرها داخل مصر وخارجها. 

@@اهلا بكم فى جامعة القاهرة الجامعة الام@@

نقلا عن صفحة رسمية بالبرنامج 

كوكب الجغرافيا

نافذتك إلى المعرفة والتعلم