محمية وادي الجمال
متابعي وزوار كوكب الجغرافيا الكرام
كل عام وحضراتكم بخير ، بمناسبة عيد الفطر المبارك لعام ٢٠١٩م ، اليوم نقدم لحضراتكم مقالة مميزة عن محمية وادي الجمال .
رحلتنا اليوم لمحافظة البحر الأحمر، تحديدَا جنوب المحافظة. وهناك هنتعرف على محمية طبيعية اسمها “محمية وادي الجمال وجبل حماطة”. بمساحة إجمالية 7450 كم مربع. وبتضم قطاع كبير من ساحل البحر بطول 60 كم.
المحمية دي فيها حوض وادي الجمال. وده واحد من أكبر وأغني أودية الصحراء الشرقية بالكائنات الحية.
كمان فيها جبل حماطة، من أعلى الجبال هناك. وبيضم برضه تنوع كبير من أشكال الحياة.
في وادي الجمال هتشوفوا الشعب المرجانية موجودة على طول ساحل المحمية. ومنها اللي على شكل جزر مغمورة في البحر. وكلها محتفظة بطبيعتها وشكلها. ده غير الحشائش البحرية، المهمة جدًا لتكاثر الأسماك، وبعض الكائنات النادرة.
مش بس الأسماك والشعب المرجانية، المحمية كمان فيها جزر بتتكاثر عليها الطيور والسلاحف البحرية. والموجودة بأعداد كبيرة هناك.
محمية وادي الجمال واحدة من الأماكن الجميلة في بلدنا. وفيها مناظر طبيعية جمالها فوق الوصف، مستحيل كنت تفكر إنها موجودة عندنا.
كوكب الجغرافيا
نافذتك إلى المعرفة
0 تعليقات
شكرا لتعليقك .. سيتم الرد عليكم في اقرب وقت ممكن .
كوكب المنى