بنك المعرفة المصري - المميزات والتسجيل
Egyptian Knowledge Bank
——————————–
الدوله عاملالك موقع اسمه (بنك المعرفه المصري ) فيه تقريبا كل الكتب اوالمقالات
اللي ممكن توفر عليك جهد البحث علي جوجل والتصميم بتاعه جميل جدا وسهل في التعامل معاه 🙂
هاتسجل باسمك والبريد والرقم القومي وهايبعتلك رساله علي البريد لتفعيل اكونتك وبس كده 😊
مبروك عليك الاكونت الجديد في اكبر مكتبه الكترونيه في ة 🙂
**********************************************
ده لينك الموقع وركز كويس في الجاي👇
الدوله عملت اتفاقيه بملايين الدولارات من اجل نشر البحث العلمي و العلم عموما مش متاحه غير ليك ك مواطن
مصري ليك رقم قومي ✌✌
الاتفاقيه دي مع معظم الجامعات تخليك تقدر تدخل للجامعات ديه وتاخد المحتويات اللي بفلوس
عندهم وبيقدموها للطلبه عندهم وتخليك تاخد كل ده مجانا بشرط تكون مصري ومعاك بطاقه😊
افتحه هتلاقي الاتي
مقسم لاجزاء الاطفال — الطلاب — الباحثون —الزوار العاديين
هتسجل تبع القسم اللي انتا فيه ولو انتا باحث لازم تسجل من الجامعه بتاعتك وتدخل علي
الحساب مره علي الاقل كل 90 يوم من الجامعه والباقي براحتك من البيت
لو انتا طالب مش لازم تعمل اي حاجه من ده
هتسجل وتحط رقم البطاقه والميل وتخلص تسجيل عادي جدا هتجيلك رساله عالميل بالباسورد
ولينك تفتحه
وتسجل باسورود بتاعك الجديد
وبعد كده هيوصلك علي صفحه الموقع
لو عايز طريقه التسجيل خطوه بخطوه شوف الفيديو ده
http://bit.ly/2ZmqkJ0
خلاص سجلت وكله تمام التمام ,,,هتلاقي بعد كده علامه السيرش
هتكتب فيها اي حاجه انتا عاوزها وتعمل بحث — استني ثواني — هيوصلك احدث الكتب
والمقالات والفيديوهات
اللي موجوده في الجامعات اللي عامله الاتفاقيه ومع المؤسسات الكبيره لدور النشر اللي
عشان تاخد اي كتاب
منها مش هتلاقيه غير علي امازون بفلوس محترمه
نزل الكتب والفديوهات وعيش يامعلم
ولو بتدور علي مقالات محترمه او ابحاث علميه الموقع هيفيدك بشكل رهيب 😊
تعمل اكونت باسمك و برقمك القومي( خد بالك ليك تسجيل مره واحده لكل رقم قومي) و تعملك
بروفايل
**ممكن تجدد بروفايلك من فتره لفترة يعني مثلا كنت طالب و بعدين بقيت ريسيرشر …ده عادي
** الاطفال محتاجين حد من والديهم يعمل اكونت لنفسه الأول قبل ما يعمل لابنه او بنته
——————————–
جزء الباحث مهم جدا ليك لو انت طالب ماجستير او دكتوراه او متخصص عموما
بيحتوي على آلاف من الابحاث المتخصصه و ماتيريال متوفره مجانا بالكامل و معظم الابحاث الي
كنت مضطر تدفع
قصادها مئات الدولارات هتلاقيها متوفره على بنك المعرفه ببلاش بالكامل لان الحكومه الريدي
دافعه ثمنهم
——————————–
جزء الطالب ده برده بيحتوى على كم مهول من الأبحاث و الي تستفيد منها لو بتعمل
research paper و انت طالب
او كمصادر مفيش اكثر ثقه منها ف مشاريعك و معلوماتك عموما تكون متوافقه مع احدث حاجه ف
المجال الي
متابعه
شخصيا ف الجامعه مطلوب مننا مشاريع ف مواضيع دراستنا ف كل المواد تقريبا… فيه مواضيع
مكناش بنلاقيها
على عمو جوجل و لا جوجل سكولار.. لكن بنك المعرفه و وسيله البحث الي عنده مسهله طرق
البحث بالمترادفات
و اي ابحاث ليها علاقه بالكلمه الي بتسيرش بيها و مسهل الدنيا اكثر و بيقلل التوهان ده غير انك
ممكن تعمل
متابعه لمواضيع معينه و هو يبعتلك ايميلات كل لما ينزل اي paper أو ورقه علميه جديده او ابحاث
منشوره ف
مؤتمرات ف مجالك
——————————–
جزء الاطفال ده بقى متعه تانيه
بالتعاون مع Discovery Education بيحتوي على العاب و فيدهوات جامده جدا من ناشونال
جيوجرافيك و غيرها….
زي الكنز لاي طفل… و بديل لكل الكارتون و الاعده قدام التلفزيون
——————————–
الموقع من جوه بيفتح لك مكتبات كبيرة و كنز عظيم الحقيقه ممكن نتوه فيه
الموقع عامل تعاونات مع مؤسسات زي Elsevier و ده للي ميعرفهاش هي المؤسسه رقم واحد عالميا لنشر
الورقات البحثيه والي بتضم مجلات زي nature
و هنلاقي معاه فيه access للعظماء دول و ببلاش
– ScienceDirect Journals
-Elsevier E-Textbooks
– Scopus Elsevier Database
– GeoFacets Databasase
و ده حاجه رائعه لعلوم الأرض و الجيولوجيا و فيه لعب كيتير من جوه بلخرائط و انك تبحث بالمكان
و الخريطه و
ممكن تلاقي مثلا خرايط لمياه جوفية و تشوف طبقات الأرض و تشوف مناجم التايتانوم او الالماس
متوزعه ازاي و
للباحثين في أي مجال و محتاج خريطه لاي مكان على الأرض أي ا كانت جيوفاسيتس هيقدر
يساعده بسهوله ده
غير ان الموقع ظريف جدا حتى من راي مدرسين الدراسات و الجيولوجيا لازم يجربوه و يستخدموه
و يعرفوه
لطلابهم
حاجه اخيره ::
الكتب والمواقع الكتير اللي بنك المعرفه بيوفرهالك بالمجان لانك مصري 🙂 لو دورت عليها علي
جوجل هتلاقي
كتير منها بفلوس ومبالغ كبيره ..
بالتوفيق للجميع
0 تعليقات
شكرا لتعليقك .. سيتم الرد عليكم في اقرب وقت ممكن .
كوكب المنى